08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Ծախսն անիմաստ է. Անի Սամսոնյանը՝ վարչապետի գրառման տարածման համար տրվող գումարների մասին. ՏԵՍԱՆՅՈՒԹ
Քաղաքականություն
14.10.2019 | 16:08
«Երկու խնդիր կա՝ պաստառների նպատակը և այն միջոցը, թե ինչպես են դրանք հայտնվել։ Մեզ համար սովորական է դարձել, որ վարչապետը ժամանակ առ ժամանակ բանաստեղծություններ է գրում, մտքի թռիչքներ են հայտնվում նրա պատին։ Բայց տարօրինակ է, որ դրանք կարող են դառնալ արտաքին գովազդի պաստառներ, հետո մենք իմացանք, որ դրանց վրա ծախսվել է 100 հազար գովազդ»,- Factor.am-ի հետ զրույցում այսօր ասել է ԱԺ «Լուսավոր Հայաստան» խմբակցության անդամ Անի Սամսոնյանը։
Նա հնաոճ ու ոչ արդյունավետ է համարում վարչապետի՝ «Հայաստանն իմ օջախն է, ժողովուրդն իմ ընտանիքն է» միտքը մայրաքաղաքի փողոցների գովազդային վահանակներին տեղադրելու գաղափարը, քանի որ դրա ժամանակներն անցել են։
Ըստ Սամսոնյանի՝ սա շատերի համար ընդունելի չէ և անիմաստ ծախս է. «Դրանք, երևի, հարգի էին սովետական ժամանակներում, երբ մարդիկ նայում էին գունավոր պաստառներին, ներշնչվում էին այդ արտահայտություններով։ Հիմա տեղեկատվական աղբյուրները շատ են, միջոցները շատ են և կարելի է ավելի կրեատիվ մոտեցումներ ցուցաբերել, եթե իսկապես մենք ուզում ենք նման լոզունգներով մոտիվացնել մարդկանց»:
Նա խնդիր է տեսնում նաև այն բանում, թե ինչո՞ւ է հենց «Անտարես» հրատարակչությանը հանձնարարվել տպագրել և տարածել այդ պաստառները՝ առանց մրցույթի։
«Հիշեցնում եմ վարչապետի խոսքերը, որ այսուհետև բիզնեսի մրցունակությունը չի որոշվելու խտրականությամբ»,- ասաց ընդդիմադիր պատգամավորը։
Մանրամասները՝ տեսանյութում:
