08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Բաքուն նոր քարոզչական արշավ է սկսել
Քաղաքականություն
14.10.2019 | 16:05
Իլհամ Ալիևի՝ Սոչիում « Վալդայ» համաժողովին ունեցած ելույթում «Ղարաբաղը Ադրբեջան է և բացականչական նշան» հայտարարությունից հետո, Ադրբեջանի քաղաքների փողոցներում հայտնվել են նույնանուն բովանդակությամբ պաստառներ։
Այս մասին հաղորդում են ադրբեջանական լրատվամիջոցները, սոցիալական ցանցերի օգտատերերն էլ լուսանկարներ են հրապարակում, որոնցից պարզ է դառնում, որ պաստառներին Ադրբեջանի քարտեզն է Լեռնային Ղարաբաղի հետ միասին ու գրված է՝ «Ղարաբաղը Ադրբեջան է»։ Այս արշավը կազմակերպել է իշխող «Նոր Ադրբեջան» կուսակցությունը։ Իշխող ուժի գործադիր քարտուղար, փոխվարչապետ Ալի Ահմեդովն էլ լրատվամիջոցների հետ զրույցում նշել է, որ Ալիևի ասածը արդեն կարգախոսի է վերածվել երկրում․ «Նախագահի հայտարարությունը «Ղարաբաղը Ադրբեջան է և բացականչական նշան» ազգային գաղափարախոսության կարգավիճակ է ձեռք բերում։ Այդ կոչը իր արձագանքն է գտել հարյուր հազարավոր քաղաքացիների սրտերում, չեմ կասկածում, որ թիվը շուտով կհասնի միլիոնի»։
Նշենք, որ բացի պաստառներից, հոկտեմբերի 7-ից էլ վիրտուալ տիրույթում է սկսվել «Ղարաբաղը Ադրբեջան է և բացականչական նշան» ակցիան, որն էլ իրենց հերթին կազմակերպել են Ադրբեջանի սպորտի ու երիտասարդության հարցերի նախարարությունն ու «Վիրտուաալ Ղարաբաղ» հասարակական միավորումը։
Տարբեր սոցիալական ցանցերում՝ հատկապես ֆեյսբուքում ու թվիթերում, նմանաբովանդակ հեշթեգներով տեղադրվում են փաստաթղթեր, լուսանկարներ ու տեսանյութեր։
Այսպիսով՝ նման ակցիաներով Ադրբեջանը պատասխանում է Նիկոլ Փաշինյանի «Արցախը Հայաստան է և վերջ» հայտարարությանը։
Էմմա Չոբանյան
