26.08.2026 | 13:27
ԱՄՆ-ը դադարեցրել է ամբողջ աշխարհում վիզաների համար դիմումների ընդունումը
Առաջինը Բաքու այցելելով՝ Վրաստանի վարչապետը հստակ ուղերձ հղեց Ադրբեջանի կարևորության մասին․ փորձագետ ՏԵՍԱՆՅՈՒԹ
Քաղաքականություն
14.10.2019 | 13:39
Վրաստանի նորանշանակ վարչապետ Գեորգի Գախարիայի այցը տարածաշրջան ճանաչողական է. հոկտեմբերի 9-ին նա այցելեց Ադրբեջան, վաղը կլինի Հայաստանում, ամսվա վերջին էլ նախատեսվում է այց Թուրքիա: Այսօր լրագրողների հետ հանդիպմանն ասաց քաղաքագետ Նարեկ Մինասյանը:
«Այնուամենայնիվ, առաջինն Ադրբեջան կատարած այցը քաղաքական ուղերձ էր ադրբեջանական իշխանություններին և, ընդհանրապես, միջազգային հանրությանը, և հստակ արձանագրում էր Վրաստանի համար Ադրբեջանի ռազմավարական կարևորությունը»,- ասաց Նարեկ Մինասյանը:
Ինչ վերաբերում է Հայաստանի հետ հարաբերություններին, ըստ քաղաքագետի՝ վերջին շրջանում, հատկապես Մամուկա Բախտաձեի պաշտոնավարման ընթացքում, Հայաստանի կողմից բավական նախաձեռնողական քաղաքականություն էր իրականացվում Վրաստանի ուղղությամբ և բավական դրական դինամիկա կար: Այս առումով Նարեկ Մինասյանը կարևորեց հայ-վրացական առևտրատնտեսական միջկառավարական խորհրդի նիստը, Հայաստանում անցկացված հայ-վրացական բիզնես համաժողովը:
«Պետք է ակնկալել, որ Գախարիայի օրոք հնարավոր կլինի մի կողմից կպահպանել այս դրական դինամիկան, մյուս կողմից՝ քննարկել նոր օրակարգային հարցեր»,- նշեց քաղաքագետը:
Մանրամասները՝ տեսանյութում:
