30.04.2026 | 19:47
Չեմպիոնների լիգայում հայտնի է շաբաթվա լավագույն ֆուտբոլիստը
Պետք է իրականացնել գերխնդիրը՝ միանալ Հայաստանին. Էլենի Թեոխարուս
Քաղաքականություն
11.10.2019 | 20:13
Ես միշտ շնորհակալ եմ իմ երկրորդ հայրենիքին՝ Հայաստանին և հայ ազգին, որոնք ինձ հնարավորություն են տալիս պայքարել հանուն հայերի պատվի:
Ստեփանակերտում ընթացող «Համագործակցություն հանուն արդարության և խաղաղության» խորագրով Արցախի բարեկամների համաժողովի ժամանակ այս մասին «Արցախպրես»-ի թղթակցի հետ զրույցում ասել է Եվրոպական խորհրդարանի անդամ Էլենի Թեոխարուսը (Կիպրոս):
Նա նշել է, որ 1991 թվականից ինքն այցելում է Արցախ և այսօր այստեղ է հանդիպելու արցախցի իր ընկերների հետ:
«Այս այցը շատ կարևոր է և ես գտնում եմ, որ մենք պետք է ջանքեր չխնայենք, որպեսզի հանդիպումներն արդյունավետ լինեն Արցախի ապագայի համար: Մենք պետք է աշխատենք, որպեսզի տարբեր հանրությունների կողմից Արցախի ժողովրդի իրավունքներն ավելի լավ պաշտպանվեն: Համաժողովին ներկա են գերտերությունների ներկայացուցիչներ, իսկ ես ներկայացնում եմ Հունաստանը, և մեր երկրի նման հասարակ երկրների գերխնդիրն է գրի առնել ժողովրդին հուզող խնդիրները, գտնել դրանց լուծումները և դրանք ներկայացնել առավել լայն շրջանակներում: Իմ կարծիքով պետք է իրականացնել գերխնդիրը՝ միանալ Հայաստանին»,- մասնավորապես ասել է Է. Թեոխարուսը:
