22.05.2026 | 13:59
«Ռոսսելխոզնադզորը» հիմա էլ խնդիրներ է տեսնում Հայաստանից մրգերի և բանջարեղենի մատակարարման հետ կապված
Կալիֆոռնիան ճանաչել է Արցախի ինքնիշխանությունը՝ կարևորելով նրա հետ փոխհարաբերությունների ձևավորումը. Էնթոնի Պորտանտինո
Քաղաքականություն
11.10.2019 | 19:16
Սա իմ երրորդ այցն է Արցախ ու ես շատ հպարտ և ուրախ եմ, որ այսօր այստեղ եմ:
Ստեփանակերտում ընթացող «Համագործակցություն հանուն արդարության և խաղաղության» խորագրով Արցախի բարեկամների համաժողովի ժամանակ այս մասին «Արցախպրես»-ի թղթակցի հետ զրույցում ասել է Կալիֆոռնիայի Սենատի անդամ Էնթոնի Պորտանտինոն:
Նա նշել է, որ Արցախում է խաղաղության կոչով և ցանկանում է Արցախի ինքնիշխան դեմոկրատական հանրապետությունը ճանաչվի տարբեր երկրների կողմից:
«Որպես Կալիֆոռնիայի քաղաքացի ես ցանկանում եմ մշակութային կապեր հաստատել Արցախի հետ: Մենք ճանաչել ենք Արցախի ինքնիշխանությունը և դրանով հաստատել, թե որքան կարևոր է Կալիֆոռնիայի և Արցախի միջև փոխհարաբերությունների ձևավորումը»,-մասնավորապես ասել է նա:
