08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Ցանկանում եմ Արցախի դրոշը բարձրացնել իմ քաղաքում և հաստատել բարեկամական հարաբերություններ երկու քաղաքների միջև. Ջիմ Կարիջիաննիս
Քաղաքականություն
11.10.2019 | 17:24
Ստեփանակերտում ընթացող «Համագործակցություն հանուն արդարության և խաղաղության» խորագրով Արցախի բարեկամների համաժողովի ժամանակ այս մասին «Արցախպրես»-ի թղթակցի հետ զրույցում ասել է Տորոնտոյի քաղաքային խորհրդի անդամ Ջիմ Կարիջիաննիսը:
Նա նշել է, որ Արցախ է այցելել մի քանի անգամ և նախագահական ընտրությունների ժամանակ, որպես միջազգային դիտորդ Արցախում գտնվելու համար, հայտնվել է Ադրբեջանի սև ցուցակում:
«Ես հպարտ եմ, որ իմ անունը գրանցվել է այդ ցուցակում,հպարտ եմ, որ այցելել եմ Արցախ և դժվարություն կունենամ այցելելու Ադրբեջան և Թուրքիա:Այստեղ եմ կրկին նշելու, որ Կանադայի, ինչպես նաև սփյուռքի հայերը ցանկանում են միշտ լինել Արցախի կողքին և օժանդակել նրան»,-մասնավորապես ասել է Ջ. Կարիջիաննիսը:
