23.05.2026 | 14:52
ՄԻՊ-ը մեկնարկել է ընտրատեղամասերի մշտադիտարկումը՝ հաշմանդամություն ունեցող անձանց համար մատչելիությունը գնահատելու նպատակով
Ինձ ոչ ոք չի կարող նկատողություն անել. Արայիկ Գրիգորյան
Քաղաքականություն
03.10.2017 | 11:04
ԱԺ ՀՀԿ խմբակցության պատգամավոր Արայիկ Գրիգորյանը վստահեցնում է՝ ինքը Արտաշատ քաղաքի ընտրություններին խառնվելու մտադրություն չունի: «Ես Արարատով եմ զբաղված, Արտաշատով ընդհանրապես չեմ զբաղվում»,- Ազգային ժողովում լրագրողների հետ զրույցում ասաց Արայիկ Գրիգորյանը:
Լրագրողները հետաքրքրվեցին՝ լքելո՞ւ է արդյոք ԱԺ եվրոպական ինտեգրման հարցերի մշտական հանձնաժողովը՝ հաշվի առնելով այն, որ մամուլն այդ մասին գրում է, ինքն էլ նկատողություն է ստացել հանձնաժողովի նախագահ Նաիրա Զոհրաբյանից, ՀՀԿ-ական պատգամավորը հակադարձեց. «Ես չեմ լքելու հանձնաժողովը, ինձ ոչ ոք չի կարող նկատողություն անել»:
Հիշեցնենք՝ ԱԺ եվրոպական ինտեգրման հարցերի մշտական հանձնաժողովի ՀՀԿ-ական անդամներ Արտակ Սարգսյանը («ՍԱՍ-ի Արտակ»), Արայիկ Գրիգորյանը («Ավշարի Արայիկ») և Արկադի Համբարձումյանը («Դերժավայի Արկադիկ») նկատողություն են ստացել հանձնաժողովի աշխատանքներից պարբերաբար բացակայելու համար:
Առավել մանրամասն՝ տեսանյութում:
Շողիկ Գալստյան
