14.12.2024 | 19:57
Ինչ իրավիճակ է ճանապարհներին 19։35-ի դրությամբ
Թուրքիան հայտնել է Սիրիայում առաջին թուրք զինծառայողի զոհվելու մասին
Քաղաքականություն
11.10.2019 | 12:36
Սիրիայի հյուսիս-արևելքում Անկարայի «Խաղաղության աղբյուր» ռազմական գործողության ընթացքում առաջին թուրք զինծառայողն է զոհվել: Այս մասին հայտնել է Թուրքիայի պաշտպանության նախարար Հուլուսի Աքարը, գրում է ՌԻԱ Նովոստին:
Նա նշել է, որ դա տեղի է ունեցել նախօերին Սիրիական քրդերի ինքնապաշտպանական ուժերի հետ բախման ժամանակ: Աքարը հայտարարել է նաև, որ այդ ընթացքում թուրք զինվորականները 277 հակառակորդի են ոչնչացրել:
Թուրքիայի նախագահ Էրդողանը, հիշեցնենք, չորեքշաբթի հայտարարեց «Խաղաղության աղբյուր» գործողության մեկնարկի մասին՝ ուղղված Քրդական աշխատավորական կուսակցության և «Իսլամական պետություն» ահաբեկչական խմբավորման դեմ:
Նույն օրը թուրքական ավիացիան հարվածներ հասցրեց Ռաս էլ-Այնի ուղղությամբ, հարձակման է ենթարկվել նաև Թել Աբյադը: Դրանից հետո հաղորդվեց ցամաքային գործողության մեկնարկի մասին:
Դամասկոսում թուրքական գործողությունն ապօրինի ներխուժում են գնահատում: Հարևան մի շարք պետություններ էլ, ինչպես նաև ԵՄ անդամների մեծ մասը, դատապարտել են Անկարայի գործողությունները և լարվածության սրացումից խուսափելու կոչ արել:
