23.07.2026 | 11:41
Գրիզմանը գոլ է խփել MLS-ում նորամուտի խաղում. ՏԵՍԱՆՅՈՒԹ
Վիգեն Սարգսյանի գործը իրավապահ կառույցներով «շրջում է»
Հասարակություն
10.10.2019 | 22:27
ՀՀ պաշտպանության նախկին նախարար Վիգեն Սարգսյանի մասնակցությամբ հարուցված քրեական գործը, որը Քննչական կոմիտեից ուղարկվել էր ՀՔԾ, հոկտեմբերի 4-ին գործը հսկող դատախազի կողմից կանչվել է ՀՀ գլխավոր դատախազություն: Այս մասին Factor.am-ին փոխանցեցին ՀՔԾ-ից:
Դատախազությունից էլ գործը ուղարկվել է հետ Քննչական կոմիտե, թե ինչու փորձեցինք պարզել Գլխավոր դատախազությունից, որտեղից ի պատասխան մեր հարցին՝ ասացին. «Նշված քրեական գործի շրջանակում նախաքննության օրինականության նկատմամբ հսկողություն իրականացնող դատախազի որոշմամբ՝ ՀՀ ՔԿ զինվորական քննչական գլխավոր վարչության հատկապես կարևոր գործերի քննության վարչության քննիչի որոշումը՝ քրեական գործն ըստ քննչական ենթակայության ուղարկելու մասին, վերացվել է և մի շարք անհրաժեշտ քննչական և դատավարական գործողություններ կատարելու անհրաժեշտությամբ պայմանավորված ուղարկվել է ՀՀ քննչական կոմիտե՝ հետագա նախաքննությունը շարունակելու համար»:
Նշենք, որ զինածառողների բնակարանների բաշխման ենթադրյալ ապօրինի գործով Վիգեն Սարգսյանը մեղադրյալի կարգավիճակ մինչ այս պահը չունի:
Լիլիթ Շաբոյան
