16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
«Հայաստանի կառավարությունը շատ լուրջ բարեփոխումներ է կատարում, և մենք սերտորեն համագործակցում ենք»․ Հայաստանում ԵՄ դեսպան. ՏԵՍԱՆՅՈՒԹ
Քաղաքականություն
10.10.2019 | 18:49
Կարծում եմ՝ կայքը հետաքրքիր կլինի հատկապես երիտասարդների համար։ Նրանք կկարողանան իմանալ՝ ինչ է Եվրամիությունն անում, ինչ ծրագրեր ունի և որ ոլորտներում։ Այս մասին այսօր EU4Armenia.com կայքի շնորհանդեսի ավարտին լրագրողների հետ զրույցում նշեց Հայաստանում ԵՄ դեսպան Անդրեա Վիկտորինին։
«Մենք ավելի արագ ենք շարժվում, քան Հայաստանի կառավարությունը գաղափարներ է առաջարկում։ Սա մեր ընդհանուր շահն է, որովհետև Եվրամիությունն իր գործողություններն իրականացնում է Կառավարության ու տեղի հանրության հետ։ Շատ կարևոր է, որպեսզի բոլոր շահագրգիռ կողմերը կարողանան տեսնել, թե ինչ ծրագրեր ենք իրականացնում և ինչպես»,- ասաց ԵՄ դեսպանը։
Դեսպանին արձագանքեց բարձր տեխնոլոգիական արդյունաբերության նախարար Հակոբ Արշակյանը․ «Թափանցիկության տեսանկյունից սա հրաշալի գործիք է , իսկ թափանցիկությունը մեզ համար առաջնահերթություն է։ Քայլ առ քայլ ունենալու ենք բոլոր ծրագրերի իրականացումը»։
Պատասխանելով Factor.am-ի հարցին, թե ի՞նչ նոր քայլեր են ձեռնարկվում ՀՀ-ԵՄ Համապարփակ և ընդլայնված գործընկերության համաձայնագրի զարգացման ուղղությամբ, Անդրեա Վիկտորինին ընդգծեց․ «Այս ուղղությամբ ամեն ինչ միասին ենք անում։ Շուտով Բրյուսելից երկու ռաունդ ենք ունենալու, որպեսզի կարողանանք հստակեցնել մեր համագործակցության ուղղությունները։ Հայաստանի կառավարությունը լուրջ բարեփոխումների հստակ ուղղություններ ունի, որոնցից մի քանիսը համաձայնագրի ծածկույթում են, և մենք սերտորեն համագործակցում ենք։ Այստեղ խնդիրը միայն արագ գործելը չէ, շատ կարևոր է, որպեսզի գործողություններն իրականացվեն հետևողականորեն և կոնկրետ ռազմավարությունների հիման վրա։ Այս առումով հիանում եմ Հայաստանի նախարարությունների գործունեությամբ, որոնք իրենց առօրյա զբաղվածության մեջ կարողանում են գտնել այդ ժամանակը՝ կոնկրետ ուղղղություններով իրենց գործողությունները նախանշելու համար։ Այստեղ միայն արագությունը չէ, որ կարևոր է, այլ նաև լավ մտածվածությունը»։
Հակոբ Արշակյանը ԵՄ դեսպանի խոսքին հավելեց․ «Բավականին առաջանցիկ դիրքեր ունենք՝ ինչպես ռազմավարությունների կազմման, այնպես էլ դրանց իրականացման հարցում։ Պետք է հաշվի առնել, որ մենք նաև ԵՏՄ անդամ ենք և բոլոր չափանիշների միասնականացման անհրաժեշտություն ունենք։ Այդ առումով բավականին լուրջ աշխատանք կա»։
Մանրամասները՝ տեսանյութում։
Նելլի Մելքոնյան
