23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Հետախուզվող Արամ Հարությունյանի ողջ գույքը կալանքի տակ է, իսկ իր տեղը՝ իրավապահներին դեռևս անհայտ
Հասարակություն
10.10.2019 | 16:57
«Ժամանակ» թերթն այսօր գրել էր, որ իրենց տեղեկություններով՝ բնապահպանության նախկին նախարար Արամ Հարությունյանը, որը հետախուզման մեջ է, թաքնվում է Միացյալ Նահանգներում:
Factor.am-ը փորձեց Ոստիկանությունից ճշտել, թե արդյոք իրավապահներին հաջողվել է բացահայտել հետախուզվող պաշտոնյայի թաքստոցը:
«Հետախուզվողին հայտնաբերելու ուղղությամբ իրականացվում են համապատասխան օպերատիվ գործողություններ»,- պատասխանեցին Ոստիկանությունից՝ չհստակեցնելով, ի վերջո, իրենց Հարությունյանի գտնվելու վայրը հայտնի՞ է, թե՝ ոչ։
Արամ Հարությունյանի պաշտպան Կարեն Հակոբյանն էլ մեզ հետ զրույցում բացարձակ ապատեղեկատվություն որակեց շրջանառվող լուրը։ Պաշտպանը մեզ տեղեկացրեց, որ Արամ Հարությունյանի ամբողջ գույքի և հաշիվների վրա կալանք է դրված, որը իրենք բողոքարկել են դատարան։
Հիշեցնենք, որ նախկին պաշտոնյան մեղադրվում է առանձնապես խոշոր չափերով կաշառք ստանալու և փողերի լվացման համար։ Ըստ ՀՔԾ-ի՝ խոսքը 14 միլիոն դոլար կաշառքի մասին է։
Լիլիթ Շաբոյան
