07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թուրքիայի սկսած ռազմական օպերացիայի միջազգային արձագանքները
Քաղաքականություն
10.10.2019 | 15:41
Սիրիայի հյուսիս-արևելքում թուրքական զինուժի ռազմական օպերացիայի մեկնարկին հաջորդեցին բազմաթիվ դատապարտող հայտարություններ և ռազմագործողությունը դադարեցնելու կոչեր աշխարհի տարբեր կողմերից: «Խաղաղության ակունք» կոչվող ռազմագործողության մասին Թուրքիայի պաշտպանության նախարարությունն իրազեկել է ԱՄՆ-ին, Ռուսաստանին, Գերմանիային, Ֆրանսիային, Իտալիային, ՆԱՏՕ-ին և ՄԱԿ-ին. գրում է ermenihabe-ը:
Եփրատի արևելքում գտնվող զինյալ քրդերի դեմ ուղղված ռազմական օպերացիայի միջազգային արձագանքները՝ ստորև.
ԱՄՆ նախագահ Դոնալդ Թրամփ.
«ՆԱՏՕ-ի անդամ Թուրքիան ներխուժել է Սիրիա: Միացյալ Նահանգները չի աջակցում այդ հարձակմանը և փոխանցել է Թուրքիային, որ այդ օպերացիան վատ գաղափար է»:
ՌԴ Պետդումայի Դաշնության խորհրդի միջազգային գործերի հանձնաժողովի փոխնախագահ Վլադիմիր Ջաբարով
«Ռուսաստանը չի ներքաշվելու Թուրքիայի և Սիրիայի հակամարտության մեջ: Ռուսաստանը Սիրիայում է բոլորովին այլ պատճառներով»:
Ֆրանսիայի Եվրոպական հարցերով պետնախարար Ամելի դե Մոնշալին
«Ֆրանսիան և Մեծ Բրիտանիան մտադիր են ՄԱԿ-ի անվտանգության խորհրդի նիստ հրավիրել: Ֆրանսիան, Մեծ Բրիտանիան և Գերմանիան Թուրքիային քննադատող համատեղ հայտարարություն են պատրաստում»:
Գերմանիայի արտաքին գործերի նախարար Հայկո Մաաս
«Թուրքիայի ռազմագործողությունը նոր հումանիտար աղետի և փախստականների ալիքի պատճառ կարող է դառնալ: Կոչ ենք անում Թուրքիային վերջ տալ այդ օպերացիային և անվտանգային շահերը խաղաղ ճանապարհով ապահովել»:
Հոլանդիա արտաքին գործերի նախարար Ստեֆ Բլոկ
«Հոլանդիան դատապարտում է Թուրքիային: Թուրքիան պետք է հետ դառնա այդ ուղուց»:
ՆԱՏՕ-ի գլխավոր քարտուղար Յենս Ստոլտենբերգ
«Մեր դաշնակից Թուրքիան անվտանգային մտահոգություններ ունի: Ենթարկվում է ահաբեկչական սոսկալի հարձակումերի և միլիոնավոր սիրիացի փախստականների համար դարձել է ապաստան: Հարկ է խուսափել տարածաշրջանն ապակայունացնելուց և լարվածությունն ավելացնելուց: Հույս ունենք, որ Թուրքիան իրականացրած օպերացիան կլինի համաչափ»:
