13.10.2026 | 14:10
Հայաստանն ու Լեհաստանը քննարկել են տնտեսական դիվանագիտության ոլորտում համագործակցության ընդլայնումը
Ինձ ազատությունից զրկելու որոշում են կայացրել, պայքարելու եմ՝ մինչև այս աբսուրդին վերջ տրվի. Արա Վարդանյան
Հասարակություն
09.10.2019 | 18:54
«Հայաստան» համահայկական հիմնադրամի նախկին տնօրեն Արա Վարդանյանը ֆեյսբուքյան գրառմամբ տեղեկացրել է, որ իրեն ազատությունից զրկելու որոշում է կայացվել: Նա, միաժամանակ, նշել է, որ չի ընդունում առաջադրված մեղադրանքը:
«Ինձ ազատությունից զրկելու որոշում են կայացրել: Առաջադրված մեղադրանքն ամբողջությամբ չեմ ընդունում և պայքարելու եմ մինչև այս աբսուրդին վերջ տրվի։ Սա պարզունակ քայլ է՝ ինձ լռեցնելու համար:
Ես երբեք մեկ լումայի վնաս չեմ տվել պետությանը: Արել եմ ճիշտ հակառակը՝ ձգտելով օգտակար լինել մեր հայրենիքի շենացմանը։ Շատ շուտով ամեն ինչ իր տեղը կգա»,- մասնավորապես գրել է Արա Վարդանյանը:
Արա Վարդանյանի փաստաբան Երվանդ Վարոսյանն էլ տեղեկացրել է, որ Երևան քաղաքի ընդհանուր իրավասության դատարանի որոշմամբ՝ «Հայաստան» համահայկական հիմնադրամի նախկին տնօրեն Արա Վարդանյանի նկատմամբ ընտրված խափանման միջոց գրավը վերացվել է ու նրա նկատմամբ որպես խափանման միջոց է կիրառվել կալանավորումը։ Նրան մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասով:
