23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Պորոշենկոյի դեմ նոր քրեական գործ է հարուցվել
Քաղաքականություն
09.10.2019 | 19:18
Ուկրաինայի հետաքննությունների պետական բյուրոն (ՀՊԲ) ևս մեկ քրեական գործ է հարուցել երկրի նախկին նախագահ Պյոտր Պորոշենկոյի դեմ, այս անգամ՝ ոչ հավաստի տեղեկատվության հնարավոր հայտարարագրման փաստի հիման վրա: Այս մասին գրում է ՏԱՍՍ-ը՝ վկայակոչելով «Ուկրաինական նորություններ» գործակալությունը:
Լրատվամիջոցների փոխանցմամբ՝ գործը հարուցվել է Քրեական օրենսգրքի 366-1 հոդվածի հատկանիշներով («ոչ հավաստի տեղեկատվության հայտարարագրում»):
Գործը կփոխանցվի Ուկրաինայի Ազգային հակակոռուպցիոն բյուրոյին: Այն գրանցվել է Գերագույն ռադայի պատգամավորներից մեկի դիմումի հիման վրա:
Ավելի վաղ Ռադայի «Ժողովրդի ծառա» խմբակցության պատգամավոր Ալեքսանդր Դուբինսկին հայտնել էր, որ Պորոշենկոյի դեմ գործ է հարուցվել 2018 թվականին ոչ հավաստի տեղեկատվության հայտարարագրման փաստի հիման վրա:
Այս տարվա գարնանը կայացած նախագահական ընտրություններում պարտությունից հետո Պորոշենկոն ավելի քան մեկ տասնյակ քրեական գործերի ֆիգուրանտ է դարձել: Նախկին նախագահը, մասնավորապես, կասկածվում է պետական դավաճանության, պաշտոնական դիրքի չարաշահման, հանցավոր եկամուտների օրինականացման, հարկերի չվճարման, դատական իշխանության յուրացման փորձի մեջ:
