27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Գերմանական Հալլե քաղաքում անհայտ անձինք կրակ են բացել հրեական գերեզմանատան մոտ. զոհեր կան
Քաղաքականություն
09.10.2019 | 16:53
Գերմանիայի Հալլե քաղաքում անհայտ անձինք այսօր կրակ է բացել մարդկանց ուղղությամբ: Հրաձգության հետևանքով մի քանի մարդ է զոհվել, գրում է Mitteldeutsche Zeitung-ը:
DW-ի ռուսական ծառայության փոխանցմամբ՝ դեպքը տեղի է ունեցել հրեական գերեզմանատան և ժողովարանի մոտ։
Ոստիկանությունը հայտնել է երկու զոհի մասին։ Ենթադրյալ հանցագործները թաքնվել են ավտոմեքենայում: Իրավապահները քաղաքի բնակիչներին կոչ եբ արել դուրս չգալ փողոց՝ վկայակոչելով ներկայում ընթացող գործողությունը: Հալլեի կենտրոնական կայարանը փակվել է:
Ավելի ուշ ոստիկանությունը հաղորդել է մեկ մարդու ձերբակալության մասին։ Միաժամանակ, վտանգը դեռ պահպանվում է, իրավապահ մարմիններն աշխատում են իրավիճակի կայունացման ուղղությամբ:
Առայժմ ոչինչ հայտնի չէ հանցագործների դրդապատճառների մասին, հնարավոր հակասեմական ակտի մասին նույնպես չի հաղորդվում:
Bild պարբերականի տվյալներով՝ հանցագործներից մեկը կրակել է ինքնաձիգից, ինչպես նաև նռնակ է նետել հրեական գերեզմանատան ուղղությամբ: Ոստիկանությունը որոնողական աշխատանքներ է իրականացնում:
