02.07.2026 | 14:04
Ձերբակալվել է գնդապետ Էդիկ Մալոյանը
«Ինձ դուր չի գալիս, որ Ամուլսարի հարցը քաղաքականացվում է». Սերժ Թանկյան. ՏԵՍԱՆՅՈՒԹ
Հասարակություն
09.10.2019 | 16:09
Մարդիկ, որոնց Հայաստանի շրջակա միջավայրի վիճակը երբեք չի հետաքրքրել և որոնք գործարարներ են, այսօր ասում են, որ Ամուլսարի հանքը չպետք է շահագործվի։ Ինձ դա նյարդայնացնում է։ Նրանց դա չի հուզել, ինչո՞ւ է հիմա այդքան անհանգստացնում։ Դա ինձ համար մեծ խնդիր է. այս մասին այսօր՝ WCIT 2019-ի շրջանակում հրավիրված ասուլիսի ընթացքում նշեց աշխարհահռչակ «System of a down» ռոք խմբի մենակատար Սերժ Թանկյանը։
«Կան մարդիկ, որոնք հակահեղափոխական են և ցանկանում են քաղաքականապես սրել իրավիճակը, ինչի համար էլ այս հարցը կառավարության դեմ են օգտագործում։ Ես կողմ եմ Հայաստանի շրջակա միջավայրի պահպանությանը, բայց ինձ դուր չի գալիս, որ Ամուլսարի հարցը քաղաքականացվում է։ Կարծում եմ՝ ոչ մի հանքի շահագործում լավ չէ՝ շրջակա միջավայրի վնասման, ինչպես նաև օրինականության տեսանկյունից։ Կարծում եմ՝ վերջին տարում իշխանություններն այս հարցի շուրջ ավելի խորը ուսումնասիրություն են անում, քան որևէ այլ երկրի կառավարություն՝ որևէ հանքի շահագործման խնդրի շուրջ, ներառյալ՝ ԱՄՆ կառավարությունը»,- ընդգծեց Թանկյանը։
Երաժիշտը հավելեց, որ հարգում է այն, ինչ Հայաստանի կառավարությունն Ամուլսարի հարցով անում է, և լիահույս է, որ ճիշտ որոշում կկայացվի։
Մանրամասները՝ տեսանյութում։
Նելլի Մելքոնյան
