06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
«Գի՞ժ եմ, ինչ եմ, ավտոս տանեմ տամ պատին» «Սասնա ծռերի» գործով ամբաստանյալ. ՏԵՍԱՆՅՈՒԹ
Հասարակություն
09.10.2019 | 13:11
Երևան քաղաքի ընդհանուր իրավասության դատարանի Շենգավիթի նստավայրում, դատավոր Մեսրոպ Մակյանի նախագահությամբ, կայացավ «Սասնա ծռեր» խմբի 10 անդամի գործով դատավարությունը։
Այսօրվա նիստում ցուցմունք տվեց գործից անջատված մասով ամբաստանյալ, գործով վկա Խաչատուր Գիչյանը։
Հիշեցնենք` Խաչատուր Գիչյանը մեղադրվում է ՊՊԾ գնդի գրավման մասնակիցներին իր «Կռազ» մակնիշի մեքենան տրամադրելու համար: Վկան պատմեց, որ 2016 թ. հուլիսի 16-ին խմբի անդամներից Մխիթար Ավետիսյանը և Էդուարդ Գրիգորյանը եկել են և իրենից խնդրել իր «Կռազ» մակնիշի մեքենան։
«Մխիթարը մեքենան ուզեց կամ քար պիտի կրեին, կամ բուքսիր քաշեին, դա իմ տղու ավտոն էր, իրավունք չունեի տալու, բայց տվեցի»,- ասաց նա։
Վկան հայտնեց, որ Մխիթարին ճանաչում է հավաքներից։ Մեղադրողի հարցին, արդյոք խմբի անդամներն իրեն առաջարկե՞լ են իր կռազով գնալ ՊՊԾ գունդ և հարվածել դարպասներին, Գիչյանը պատասխանեց. «Ես գի՞ժ եմ, ի՞նչ եմ տանեմ էդ ավտոն տամ պատին»։
Մանրամասները՝ տեսանյութում։
Լիլիթ Շաբոյան
