06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Անցած տարիների փորձը բացարձակ կործանարար է պետության համար. Վահագն Խաչատրյան. ՏԵՍԱՆՅՈՒԹ
Տնտեսություն
09.10.2019 | 11:54
Ինչո՞ւ 1990-ական թվականներին չհաջողվեցին տնտեսական գործընթացները։ Տնտեսական հեղափոխության թեմայով խորհրդաժողովում տնտեսագետ Վահագն Խաչատրյանն իր խոսքն սկսեց սրա վերաբերյալ մեկնաբանությամբ:
«Քաղաքական և տնտեսական բարեփոխումները վերջնարդյունքի չհասան, որովհետև երկրի քաղաքական վերնախավը շեղվեց ճանապարհից, սկսեց այլ գաղափարներ իրականացնել՝ երկիրը հետ գցելով զարգացման ճանապարհից։ Այն, ինչ արվել էր Հայաստանում տարիների ընթացքում բարեփոխումների անվան տակ, իրականում պսևդոժողովրդավարացման լավագույն նմուշը կարող է լինել»,- ասաց տնտեսագետը։
Վահագն Խաչատրյանի կարծիքով՝ տնտեսական հեղափոխության բարդությունը կայանում է նրանում, որ այն ժամանակ է պահանջում, նախատեսում է տնտեսական կյանքի մասին մասնակիցների կողմից հստակ կանոնների ընդունում և կիրառում. «Այստեղ առաջանում է մի հարց՝ ինչի՞ մասին է խոսքը, եթե անցած տարիների փորձը ընդունելի չէ, այլ բացարձակ կործանարար է պետության գոյության համար։ Նոր պայմաններում տնտեսական հեղափոխություն հնարավոր է իրականացնել ազատ մարդու ազատ ընտրության պայմանների ապահովմամբ»:
Մանրամասները՝ տեսանյութում:
Ռոբերտ Անանյան
