13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Եթե «Սանիթեքը» դիմի արբիտրաժային դատարան, ապա մենք պատրաստ ենք դրան. Հայկ Մարության. ՏԵՍԱՆՅՈՒԹ
Հասարակություն
08.10.2019 | 15:01
Մենք շատ հանգիստ, ուսումնասիրելով բոլոր փաստերը, խնդիրները, պատրաստվել ենք այս ամեն ինչին։ Եթե «Սանիթեքը» դիմի արբիտրաժային դատարան, ապա մենք պատրաստ ենք դրան. այս մասին այսօր լրագրողների հետ ճեպազրույցում ասաց Երևանի քաղաքապետ Հայկ Մարությանը:
Նա նաև նշեց, որ աղբահանության հիմնարկը համալրվում է տեխնիկայով և աշխատակիցներով․ «Այսօր արդեն մենք տեսնում ենք դրական փոփոխություններ, ուզում եմ ասել, որ սանմաքրումը մենք նոր ենք սկսում։ Այն, ինչ ես պատկերացնում եմ՝ չկա։ Շատ մեծ մտահոգություն է առաջացնում հենց «Սանիթեքի» պայմանագրի կնքման գործընթացը, ևս մեկ անգամ փաստերը հավաքելուց հետո՝ պատրաստվում ենք դիմել Դատախազություն»:
Հարցին, թե քաղաքում առկա աղբամանները, որոնք պատկանում են «Սանիթեք» ընկերությանը, ով պետք է հավաքի, քաղաքապետ պատասխանեց, որ իրենք դրանք տեղափոխում են պահպանվող տարածք, որտեղից «Սանիթեքը» կարող է վերցնել:
Մանրամասները՝ տեսանյութում:
Լիլիթ Շաբոյան
