08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Զարիֆը մեկնաբանել է՝ ինչն է խանգարել Իրան-ԱՄՆ բանակցություններին
Քաղաքականություն
08.10.2019 | 13:33
Իրանի նախագահ Հասան Ռոհանին չի համաձայնել Նյու Յորքում շարոնակել ԱՄՆ-ի հետ բանակցությունները, քանի որ Դոնալդ Թրամփը ՄԱԿ-ի Գլխավոր վեհաժողովում պաշտոնապես հայտարարել է, որ Վաշինգտոնը ոչ միայն չի սահմանափակելու Թեհրանի դեմ սահմանված պատժամիջոցները, այլև ուժեղացնելու է դրանք: ԻՌՆԱ-ի փոխանցմամբ՝ այս մասին հայտարարել է Իրանի ԱԳ նախարար Մոհամմադ Ջավադ Զարիֆը:
Անդրադառնալով Հորմուզի խաղաղ նախաձեռնությանը՝ Զարիֆը նշել է. «Իրանի նախագահի կողմից Հորմուզի խաղաղ նախաձեռնության ներկայացումը ռազմավարական քայլ էր այն ժամանակ, երբ մեր տարածաշրջանը պատերազմի առավելագույն վտանգին է ենթարկվում: Մեզ երկխոսություն և խաղաղություն է պետք ավելի, քան երբևէ»:
Անդրադառնալով միջուկային գործարքի շրջանակում պարտավորությունների կրճատմանը՝ Մոհամմադ Ջավադ Զարիֆն ասել է, որ Իրանը որոշումները կայացնում է՝ հիմնվելով սեփական քաղաքականության վրա, և այդ մասին կտեղեկացնի, երբ ժամանակը գա:
«Առաջին իսկ օրից մենք հայտարարեցինք, որ պատրաստ ենք բանակցություններ վարել պարտավորությունների կրճատմանը զուգահեռ, և երբ եվրոպացիները կատարեն իրենց պարտականությունները, երկիրը կվերադառնա իր պարտավորությունների լիարժեք կատարմանը»,- հայտարարել է Իրանի ԱԳ նախարարը:
