23.07.2026 | 14:02
Արգենտինային ԱԱ-2026-ից հեռացնելու մասին ստորագրահավաքը մոտ է եղել Գինեսի ռեկորդը գերազանցելուն
«Գյումրիում մի անասուն շանը կապել է իր մեքենայից և քաղաքով պտտեցրել է». Նաիրա Զոհրաբյան. ՏԵՍԱՆՅՈՒԹ
Հասարակություն
08.10.2019 | 11:00
Մի քանի օր առաջ Գյումրիում հերթական դեպքն է տեղի ունեցել. քաղաքացիներից մեկը շանը կապել է իր ավտոմեքենայից և պտտել է ամբողջ քաղաքում: Այս մասին ԱԺ պետաիրավական հարցերի մշտական հանձնաժողովի ժամանակ ասաց պատգամավոր Նաիրա Զոհրաբյանը՝ նշելով, որ պետք է Քրեական օրենսգրքում փոփոխություններ կատարել՝ կենդանիներին տանջելու համար մարդկանց պատասխանատվության ենթարկել:
«Ես և կենդանապաշտպանները հաղորդում ենք տվել հանցագործության մասին: Եթե այդ օրենքն ընդունված լիներ, ապա այդ սուբյեկտը կենթարկվեր քրեական պատասխանատվության: Հիմա նա վարչական իրավախախտումների մասին օրենքով վճարելու է աշխատավարձի երեսնապատիկի չափով տուգանքը և ազատվելու է պատասխանատվությունից»,- ասաց Նաիրա Զոհրաբյանը:
Նա ասաց, որ կենդանիների հանդեպ դաժան վերաբերմունքը պետք է քրեականացվի:
Մանրամասները՝ տեսանյութում:
Նարեկ Կիրակոսյան
