15.12.2024 | 13:04
ԱԺ այգու դռները մի քանի ժամով կբացվեն
Հարավկովկասյան երկաթուղու ուղևորահոսքն աճել է 11%
Տնտեսություն
07.10.2019 | 14:12
«Հարավկովկասյան երկաթուղի» ՓԲԸ-ից տեղեկացնում են, որ 2019 թվականի հունվար-սեպտեմբերին «Հարավկովկասյան երկաթուղի» ՓԲԸ միջազգային և ներհանրապետական գնացքների ծառայություններից օգտվել է 335 հազար ուղևոր, ինչը 11,6% գերազանցում է 2018 թվականի նույն ժամանակահատվածի ցուցանիշը, երբ ուղևորների թիվը կազմել էր 300 հազար:
«Երևան-Բաթում-Երևան միջազգային գնացքով փոխադրվել է 59 հազար ուղևոր՝ 2018-ի 52,8 հազարի դիմաց: Աճը կազմել է 11,7%:
Միջազգային հաղորդակցությունում (դեպի Թբիլիսի և Բաթում) 9 ամիսների ընթացքում փոխադրվել է 67,8 հազար ուղևոր՝ 59,7 հազարի դիմաց 2018 թվականին (աճը կազմել է 13,5%):
Ընդ որում, երկաթուղային ուղևորափոխադրումների ծառայություններից օգտվող օտարերկրյա քաղաքացիների տեսակարար կշիռը 36%-ից ավելացել է մինչև 39%:
Ներհանրապետական հաղորդակցությունում ուղևորների թիվը նույնպես աճել է՝ 11,1%-ով մինչև 267,2 հազար (2018 թվականին՝ 240,4 հազար)»,- ասված է հաղորդագրությունում:
