22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ԱՄՆ-ի «ամենահայկական» նահանգը կարգելի ներդրումները Թուրքիայում
Քաղաքականություն
04.10.2019 | 18:44
Կալիֆոռնիայի նահանգապետ Գևին Նյուսոմը AB 1320 նախագծի ընդունման մասին օրենք է ստորագրել, ըստ որի՝ Կալիֆոռնիայի հասարակական կենսաթոշակային հիմնադրամին արգելվում է ներդրումներ կատարել Թուրքիայում. փոխանցում է rusarminfo.ru-ն:
Նահանգապետի խոսքով՝ Կալիֆոռնիան պայքարում է հանուն արդարության՝ հիշատակելով 1915 թվականի 1,5 միլիոն զոհերին:
Ամերիկայի հայկական համագումարի հաղորդագրության համաձայն՝ օրինագծի հեղինակ Ադրին Նազարյանը նշել է, որ Կալիֆոռնիան, լինելով մեծությամբ հինգերորդ տնտեսական կենտրոնը և ստորագրելով այդ նախագիծը, ուղղակիորեն հորդորել է Թուրքիային դադարեցնել «ցեղասպանության ժխտման իր կեղծ արշավը»:
Այս փաստաթուղթն առաջարկում է արգելել կենսաթոշակային հիմնադրամին նոր ներդրումներ կատարել Թուրքիայում և դադարեցնել արդեն գոյություն ունեցողները։
Ավելի վաղ ասվել էր, որ Կալիֆոռնիայի բիզնեսի և մասնագիտությունների կոմիտեն հավանություն է տվել Հայաստանում նահանգի տարածաշրջանային առևտրային ներկայացուցչության բացման օրինագծին:
