06.06.2026 | 16:51
Հայաստանի հավաքականի մեկնարկային կազմը Ղազախստանի դեմ խաղում
Ուկրաինայում Aн-12 ինքնաթիռը վթարային վայրէջք է կատարել. կա 5 զոհ
Քաղաքականություն
04.10.2019 | 15:12
Ուկրաինայում Aн-12 ինքնաթիռի վթարային վայրէջքի պատճառով առնվազն 5 մարդ է մահացել. հաղորդում է ria.ru-ն հղում անելով Ուկրաինայի ենթակառուցվածքների նախարար Վլադիսլավ Կրիկլիին:
Վերջինս իր ֆեյսբուքյան էջում գրել է, որ նախնական տվյալներով օդանավում եղել են անձնակազմի 7 անդամ և բեռը տեղափոխող 1 մարդ, ապա հավելել, որ ինքնաթիռի վառելիքը սպառված է եղել:
Նշենք, որ «Ուկրաինա- Աերոալյանս» ավիոընկերության UR-CAH համարանիշի Aн-12 ինքնաթիռը չարթերային թռիչք էր կատարում՝ Իսպանական Վիգո քաղաքից դեպի Լվով:
Ավելի վաղ Ուկրաինայի արտակարգ իրավիճակների պետական ծառայությունը հաղորդել էր, որ որ ժամը 7: 10-ին, Լվովի միջազգային օդանավակայանից 13,7 կմ հեռավորության վրա վայրէջք կատարելիս, Ան -12 տրանսպորտային ինքնաթիռն անհետացել է ռադարից:
Ժամը 7: 29-ին անձնակազմի անդամներից մեկը կապ է հաստատել՝ ասելով, որ ինքնաթիռը վթարային վայրէջք է կատարել: Ժամը 7: 46-ին Ան -12-ը գտնվել է թռիչքուղուց 1,5 կմ հեռավորության վրա:
Լվովի մարզում Ուկրաինայի ազգային ոստիկանության վարչության մամուլի ծառայությունից հայտնել են, որ տեղում աշխատում է օպերատիվ-քննչական խումբ և այլ ստորաբաժանումներ:
Դեպքի հանգամանքները պարզվում են:
