09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ես արդար մարդ եմ ու կարդարացվեմ. Լևոն Երանոսյան. ՏԵՍԱՆՅՈՒԹ
Հասարակություն
04.10.2019 | 14:10
ՀՀ ոստիկանության զորքերի նախկին հրամանատար Լևոն Երանոսյանը շարունակում է չընդունել իրեն առաջադրված մեղադրանքը:
«Ես արդար մարդ եմ և կարդարացվեմ»,- այսօր իր գործով դատական նիստից առաջ լրագրողների հետ զրույցում ասաց Երանոսյանը՝ հավելելով, որ երբ սկսվի դատական պրոցեսը կխոսի լրագրողների հետ, իսկ առայժմ ասելիք չունի:
Ոստիկանապետ Վալերի Օսիպյանի հրաժարականի մասին հարցին էլ Լևոն Երանոսյանը պատասխանեց, որ չի հետևում երկրում կատարվող իրադարձություններին:
Նշենք, որ այսօրվա դատական նիստը հետաձգվեց, քանի որ Երանոսյանի պաշտպանը չէր ներկայացել:
Լևոն Երանոսյանը, հիշեցնենք, մեղադրվում է ՀՀ քրեական օրենսգրքի 309-րդ հոդվածի 2-րդ մասի 3-րդ կետով: Ըստ նախաքննական մարմնի՝ 2018 թ. ապրիլին հատուկ միջոցների գործադրմամբ դիտավորությամբ նա կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։
Մանրամասները՝ տեսանյութում
