04.05.2025 | 01:37
Ծանրորդ Գրիգոր Ղազարյանը՝ պատանիների աշխարհի չեմպիոն
«Քաղաքապետարանի գործողությունները հիմնավոր են և բխում են օրինականությունից». Հակոբ Կարապետյան. ՏԵՍԱՆՅՈՒԹ
Հասարակություն
04.10.2019 | 12:25
«Սանիթեքն» առնվազն 2-3 տարի է՝ ցույց էր տալիս անկենսունակություն և համայնքային խնդիրները լուծելու փոխարեն՝ խնդիրներ էր ստեղծում։ Այս մասին այսօր՝ «Երևանը հրաժարվում է Սանիթեքից․ աղբահանության նոր մոդելը» թեմայով քննարկման ընթացքում նշեց Երևանի քաղաքապետի մամուլի խոսնակ Հակոբ Կարապետյանը։
«Հասկանալի պատճառով իրավական գործընթաց էր տեղի ունենում, սակայն պետք էր վստահ լինել, որ քաղաքապետարանը կկարողանա ինքնուրույն լուծել աղբահանության խնդիրը։ Իսկ այդ խնդիրները 2017-ին ակնհայտ էին, 2018-ին՝ ահագնացող ու սպառնալի տեսք ստացան»,- ընդգծեց Հակոբ Կարապետյանը։
Նրա խոսքով՝ այս ընթացքում քաղաքապետարանը գույքագրել է «Սանիթեքի» առկա տեխնիկական միջոցները, ուսումնասիրել խնդրի իրավական հիմքերը։
«Գույքագրման գործընթացը, որ սկսել էր հունիսին, ավարտվեց սեպտեմբերի վերջերին, ինչին էլ հաջորդեց քաղաքապետի հայտարարությունը՝ պայմանագիրը լուծելու մասին։ Փաստացի, քաղաքապետարանի գործողությունները հիմնավոր են և, նման իրավիճակում, քաղաքապետարանը վստահ է, որ դրանք բխում են օրինականությունից և օրենքի տառին համապատասխան են»,- ասաց քաղաքապետի մամուլի խոսնակը։
Մանրամասները՝ տեսանյութում։
Նելլի Մելքոնյան
