10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
200 մլն դոլար վարկային համաձայնագրով զենքի մատակարարումը մինչև տարեվերջ ավարտին կհասցվի. Վիգեն Սարգսյան
Քաղաքականություն
02.10.2017 | 11:09
200 մլն ԱՄՆ դոլար վարկային համաձայնագրով Ռուսաստանից Հայաստանի զինված ուժերին սպառազինության մատակարարումը նախատեսվում է ավարտին հասցնել մինչև տարեվերջ: Այս մասին ի պատասխան Factor.am-ի հարցին՝ հայտնեց ՀՀ պաշտպանության նախարար Վիգեն Սարգսյանը:
«Պայմանագրով նախատեսված դրույթներով առաջ ենք շարժվում, այժմ ամենաակտիվ փուլում ենք»,- շարունակեց նախարարը:
Ավելի վաղ, պաշտպանության փոխնախարար Դավիթ Փախչանյանը հայտարարել էր, որ վերոնշալ սպառազինության մատակարարումն ավարտական փուլում է։
Հիշեցնենք, որ 2015 թվականի հունիսի 26-ին Երևանում ստորագրվել է համաձայնագիր, ըստ որի, ՌԴ կառավարությունը ՀՀ կառավարությանը պարտավորվել է տրամադրել մինչեւ 200 մլն ԱՄՆ դոլար գումարի չափով պետական արտահանման վարկ՝ ռուսական արտադրության ռազմական նշանակության արտադրանքի մատակարարումների ֆինանսավորման համար:
Մանրամասները՝ տեսանյութում:
Շողիկ Գալստայն
