18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Ժպտացող Հասան Ռոհանին ու քիչ տպավորված Վլադիմիր Պուտինը․ Daily Mail-ի անդրադարձը Փաշինյանի ու մյուսների «աշխարհահռչակ» սելֆիին
Քաղաքականություն
03.10.2019 | 14:50
Միջազգային տարբեր լրատվամիջոցներ են անդրադարձել Երևանում անցակցված ԵՏՄ բարձրագույն խորհրդի նիստին։ Շատերի ուշադրության կենտրոնում էլ հայտնվել է վարչապետ Նիկոլ Փաշինյանի հրապարակած սելֆին Երևան ժամանած տարբեր երկրների ղեկավարների հետ։ Daily Mail-ն էլ այս առիթով ուշագրավ հոդված է հրապարակել։
Անդրադառնալով սելֆիին հոդվածում նշվում է, որ Իրանի նախագահը ժպտում է ու հանգիստ տեսք ունի, իսկ Պուտինը խիստ տեսքով է։
«Սելֆիում Փաշինյանը, Ռոհանին ու Ղազախստանի նախագահ Քասիմ Ժոմար Տոկաևը ֆոտոխցիկի առջև ժպտում են, մինչդեռ Պուտինը, որը նստած է ավտոբուսի հետևի նստատեղում մռայլ է ու ձեռքերը դրել է ծնկներին։ Երևում է, որ նրանք նստած են նեղ միկրոավտոբուսում վարդագույն լուսավորմամբ, որը հասնում է մինչև տանիք»,- նշվում է հոդվածում։
Բացի այդ նշվում է նաև, որ Փաշինյանի այս գրառումը մեծ արձագանք է գտել ֆեյսբուքում, շատերը նույնիսկ կատակներ են հնչեցրել Պուտինի դեմքի արտահայտության մասին ու ներկայացվում են կատակներից մի քանիսը։
Հոդվածում ծավալուն անդրադարձ է կատարվում Երևանում Հասան Ռոհանիի ելույթին։
«Միջազգային հանրությունը պիտի հակադարձի թշնամական ու միակողմանի մոտեցմանը վերջնական որոշումների ընդունման ու արդյունավետ գործողությունների միջոցով»,- Ռոհանիի խոսքից մեջբերում է Daily Mail-ը, որը ներկայացնում է նաև Պուտինի ու Ռոհանիի Երևանում կայացած հանդիպման մանրամասները։
Էմմա Չոբանյան
