02.07.2026 | 15:47
ՌԴ-ու եմ ապրել ու աշխատել․ իմ նմաններին արգելելու եք ընտրել․ Աղազարյան․ ՏԵՍԱՆՅՈՒԹ
Կառավարությունը 9.2 մլրդ դրամ կհատկացնի Գյումրիի ճանապարհների վերականգնման համար
Տնտեսություն
03.10.2019 | 14:33
Հանրապետության ճանապարհների կառուցման, նորոգման և հիմնանորոգման համար 2020 թվականի բյուջեով նախատեսվում է հատկացնել 124.4 մլրդ դրամ: Այս մասին տեղեկանում ենք ՀՀ Կառավարությունից: Նախատեսվող միջոցների ծավալը հավասար է 2015, 2016 և 2017 թվականներին պետական բյուջեով հատկացված բոլոր միջոցներին կամ 2018 և 2019 թվականներին հատկացված միջոցներին:
«Հյուսիս-հարավ» ծրագրին կհատկացվի 52.4 մլրդ դրամ (2020թ-ին այս ուղղությամբ նախատեսվող միջոցների ծավալը հավասար է 2016-2019 թվականներին հատկացված միջոցները միասին վերցված):
Իսկ ահա Գյումրիի քաղաքային ճանապարհների վերականգնման համար հատկացվելու է 9.2 մլրդ դրամ՝ 3 անգամ ավելի, քան 2019 թվականին: Նշենք, որ նախկինում նման ծավալի ծրագիր քաղաքում չի իրականացվել:
Հավելենք, որ այժմ Գյումրիում լայնածավալ փողոցաշինական աշխատանքներ են իրականացվում Վերակառուցման և զարգացման եվրոպական բանկի և Համաշխարհային բանկի ֆինանսավորմամբ: Գյումրիում ընդհանուր առմամբ 180 փողոց կա, որից 40-ից ավելին կհիմնանորոգվի։
