08.09.2026 | 12:21
Լեռնային Ղարաբաղում աշխատող ադրբեջանցի կապալառուին «սպառնում են ձերբակալությամբ»՝ աշխատանքի վճարը պահանջելու համար
ԲՀԿ-ն առաջարկում է մետաղական հանքերում ստուգումներ իրականացնող քննիչ հանձնաժողով ստեղծել. ՏԵՍԱՆՅՈՒԹ
Տնտեսություն
03.10.2019 | 11:51
Մենք առաջարկում ենք խորհրդարանում քննիչ հանձնաժողով ստեղծել, որի քննարկման համար Կառավարությունը տվյալներ կփոխանցեր լեռնահանքային ձեռնարկություններում ֆինանսական հաշվետվությունների և ներդրումների վերաբերյալ: Այս մասին ԱԺ-ում «Գործադիր մարմիններին ներկայացվող ֆինանսական և այլ հաշվետվությունների, ինչպես նաև մետաղների արդյունահանման հարցով ներդրումային ծրագրերի օրինականությունը ստուգելու համար ստեղծված հանձնաժողովի մասնակիցների թվի բաշխման մասին» օրինագծի քննարկման ժամանակ հայտարարեց «Բարգավաճ Հայաստան» կուսակցության պատգամավոր Սերգեյ Բագրատյանը:
Նա, մասնավորապես, նշեց, որ հանձնաժողովի անդամների թիվը կորոշի խորհրդարանը: «Բարգավաճ Հայաստանն» իր հերթին առաջարկում է այդ հանձնաժողովում 18 պատգամավոր ներառել:
«Վերջին շրջանում հաճախ ենք լսում Թեղուտի և Ախթալայի հանքերի խնդիրների մասին: Այժմ դրանց է միացել նաև Ամուլսարի հարցը: Մենք չենք կարող ձեռքներս ծալած նստել, երբ խոսքը հնչեղ խնդիրների մասին է, մենք ցանկանում ենք հատուկ հանձնաժողով ստեղծել»,- ասաց Բագրատյանը:
Նրա խոսքով՝ առաջարկվում է ժամանակավոր կառույց ստեղծել 6 ամիս ժամկետով և 100 մլն դրամ բյուջեով: Հանձնաժողովը, պատգամավորի կարծիքով, պետք է իրավունք ունենա իշխանությունից պահանջել և ստանալ զեկույցներ ու փաստաթղթեր հանքերի աշխատանքի մասին, ինչպես նաև փորձագիտության եզրակացություններ ստանա:
Մանրամասները՝ տեսանյութում:
Նարեկ Կիրակոսյան
