12.08.2026 | 23:30
Աճել են դեղորայքից և կենցաղային քիմիական նյութերից երեխաների թունավորման դեպքերը. Ավանեսյան
Իմ ցուցմունքները կեղծ չեն. Արսեն Թորոսյանը՝ ի պատասխան Դավիթ Սանասարյանի. ՏԵՍԱՆՅՈՒԹ
Հասարակություն
02.10.2019 | 16:49
Սրա մասին բազմիցս խոսել եմ, երբ նոր էր սկսվում գործընթացը, և հայտնել եմ այն, ինչ կարող եմ ասել հիմա՝ ինձ հայտնի տեղեկատվությունը ներկայացրել եմ համապատասխան մարմիններին, որպեսզի նրանք տան իրավական գնահատական: ԱԺ-ում լրագրողների հետ զրույցում այս մասին ասաց ՀՀ առողջապահության նախարար Արսեն Թորոսյանը՝ պատասխանելով Դավիթ Սանասարյանի հայտարարությանը, թե իր գործով կեղծ ցուցմունք է տվել:
«Եթե կա գործում հիմք՝ ինչ-որ մեկին մեղադրանք առաջադրելու, մեղադրանքը հանելու կամ նրա գործողություններին գնահատական տալու, ապա դրա համար կան համապատասխան մարմիններ: Ինչ վերաբերում է իմ կողմից կեղծ ցուցմունք տալուն, ես կարծում եմ, որ կարելի է իմ տված ցուցմուքները կա՛մ ստուգել, կա՛մ, եթե վստահ են, որ ես կեղծ ցուցմունք եմ տվել, դրանց տալ իրավական գնատական՝ մեր երկրի օրենքներով նախատեսված իրավական պրոցեսներով»,- հավելեց նախարարը:
Թորոսյանի խոսքով՝ ինքն ընդամենը հայտնել է իրեն հայտնի տեղեկությունը, իսկ ապացուցելու գործն իրավապահներինն է: Հարցին՝ մտավախություն չունի՞, որ իր ցուցմունքները ստուգելու արդյունքում կպարզվի, որ դրանք հավաստի չէին, նախարարը պատասխանեց. «Ես ոչ թե մտավախություն չունեմ, այլ դա նորմալ գործընթաց է, որ ցանկացած իրավական պրոցեսի ժամանակ տեղեկությունը բազմակողմանիորեն պետք է ստուգվի»:
Մանրամասները՝ տեսանյութում:
