02.07.2026 | 23:29
Կալանավորվել է գնդապետ Էդիկ Մալոյանը
Պուտինին վրացի լրագրողը հարց ուղղեց «Վրաստանի օկուպացված տարածքների» մասին. ՏԵՍԱՆՅՈՒԹ
Քաղաքականություն
01.10.2019 | 15:33
Ռուսաստանի Դաշնության նախագահ Վլադիմիր Պուտինին Բաղրամյան 26-ում սպասում էին ո՛չ միայն իրավապաշտպանները, որոնք ռուս բարձրաստիճան հյուրին հիշեցրին քաղբանտարկյալների մասին, այլև՝ վրացական լրատվամիջոցի ներկայացուցիչները։
Թեև Վրաստանը Եվրասիական տնտեսական միության անդամ չէ, և այդ երկրի ղեկավարությունը որևէ ձևաչափով չի մասնակցում ԵՏՄ բարձրագույն խորհրդի նիստին, սակայն Երևանում է նաև «Ռուսթավի 2» լրատվամիջոցի նկարահանող խումբը։
Այն բանից հետո, երբ ԵՏՄ պետությունների ղեկավարները համատեղ լուսանկարվեցին և մոտենում էին նստավայրի մուտքին, վրաց լրագրողը բարձր ձայնով հարց ուղղեց Վլադիմիր Պուտինին, թե երբ է Ռուսաստանը կատարելու պարտականությունները և ազատելու օկուպացրած վրացական տարածքները։
Պուտինի պատասխանը թեև ոչ այնքան լավ լսելի էր, սակայն հասկացվեց․ «Ռուսաստանը միշտ կատարում է պարտականությունները»։
ԵՏՄ պետությունների մյուս ղեկավարները, այդ թվում՝ Նիկոլ Փաշինյանը, հայացքով հետևեցին լրագրողի ու ռուս լրագրողի երկխոսությանը։
Ռոբերտ Անանյան
