Ֆրանսիական դատարանը կրկին չեղարկել է Արցախի և Ֆրանսիայի մի շարք քաղաքների միջև բարեկամության համաձայնագրերը

Քաղաքականություն

01.10.2019 | 15:23

Լուրեր

14.12.2025 | 21:40

Ոստիկանությունը ձերբակալել է Բրաունի համալսարանում կրակ բացելու մեջ կասկածվողին

14.12.2025 | 20:34

Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում

14.12.2025 | 20:28

Գլխավոր տոնածառի լույսերը վառվեցին

14.12.2025 | 19:26

Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

Բոլորը

Ֆրանսիական Լիոն քաղաքի վարչական դատարանը չեղարկել է Արցախի և Ֆրանսիայի մի շարք քաղաքների միջև բարեկամության համաձայնագրերը։ Մասնավորպես, խոսքը ֆրանսիական Դեսին-Շարպե ու Արցախի Ճարտար, ֆրանսիական Սենտ Էտիեն ու արցախյան Շուշի քաղաքների միջև բարեկամության մասին համաձայնագրերի չեղարկման մասին է:

Նշենք, որ անցյալ տարի ֆրանսիական Սենտ էտիենի քաղաքապետն այցելել էր Արցախ։ Հոկտեմբերի 21-ին էլ Շուշիի քաղաքապետարանում քաղաքապետ Արծվիկ Սարգսյանը և Սենտ Էտիենի քաղաքապետ, «Ֆրանսիա-Արցախ» բարեկամության շրջանակի անդամ Գաել Պերդրիոն ստորագրել էին երկու քաղաքների միջև Բարեկամության հռչակագիրը։ Փաստաթղթի ստորագրման հաջորդ օրը Սենտ Էտյենի քաղաքապետին Ադրբեջանի ԱԳՆ-ն ներառել էր իր «սև ցուցակում»։

Հիմա էլ Ադրբեջանի ԱԳՆ հայտարարություն է տարածել համաձայնագրերի չեղարկման առիթով:

«Ադրբեջանի ԱԳ նախարարությունը ողջունում է բարեկամության համաձայնագրերի չեղարկման որոշումը։ Ֆրանսիայի համապատասխան դատարաններն արդեն մինչև այսօր չեղարկել են նման 9 անօրինական համաձայնագրեր: Ադրբեջանը հույս է հայտնում, որ ֆրանսիական դատարանների կողմից շուտափույթ կչեղարկվեն նաև մյուս անօրինական համաձայնագրերը»,- ասված է հաղորդագրությունում:

Նշենք նաև, որ այս տարի առաջին դեպքը չէ, երբ ֆրանսիական դատարանները չեղարկում են Ֆրանսիայի տարբեր քաղաքների ու Արցախի բնակավայրերի միջև կնքված բարեկամության ու համագործակցության մասին համաձայնագրերը։

Մայիսի 29-ին Սերժի Պոնտուազ համայնքի վարչական դատարանը չեղարկել էր Առնուվիլ քաղաքի ու Արցախի Մարտունու շրջանի Շեխեր գյուղի միջև ստորագրված Բարեկամության հռչակագիրը, հունիսի 11-ին էլ Գրենոբլի վարչական դատարանը չեղյալ էր հայտարարել Դրոմի դեպարտամենտ-Արցախ, Վալանս-Ստեփանակերտ, Բուրգ լե Վալանս-Շուշի, Բուրգ դը Պեաժ-Մարտունի համայնքների միջև կնքված Բարեկամության հռչակագրերը:

Ֆրանսիայի հայ համայնքի դժգոհություններին ի պատասխան՝ տեղական իշխանությունները նշել էին, որ դատարանի կողմից համաձայնագրերի չեղարկումը չի ազդի երկու ժողովուրդների միջև բարեկամության վրա, բացի այդ՝ ֆրանսիական քաղաքների ղեկավարները հայտնել էին, որ բողոքարկելու են դատարանի վճիռները։

Էմմա Չոբանյան