30.04.2026 | 14:18
Էլինա Ավանեսյանը չի ներկայացել մրցախաղին
Հայ մասնագետները շարունակում են խաղաղության առաքումն ամբողջ աշխարհում. Արծրուն Հովհաննիսյան
Քաղաքականություն
01.10.2019 | 14:34
Սիրիայի խաղաղ բնակչության, մասնավորապես՝ հայ համայնքի համար հումանիտար առաքելությունը մեծ նշանակություն ունի ինչպես տարածքների ականազերծման, այնպես էլ իրազեկման առումով: Լրագրողների հետ հանդիպմանն այս մասին ասաց ՀՀ ՊՆ մամուլի խոսնակ Արծրուն Հովհաննիսյանը՝ անդրադառնալով Հայկական հումանիտար առաքելություն իրականացնող խմբի՝ սեպտեմբերի 20-27-ը Սիրիա կատարած այցին:
«Եվ մեզ համար կարևոր է այն հանգամանքը, որ մեր գործընկերները դա գնահատում են»,- հավելեց նա:
Ըստ Արծրուն Հովհաննիսյանի՝ Հայաստանի հումանիտար առաքելությունը կարևորում է նաև Լիբանանը:
«Վերջերս Լիբանանի պաշտպանության նախարարը կարևորեց Հայաստանի հումանիտար առաքելության նշանակությունը տարածաշրջանի խաղաղության իրականացման գործընթացում: Մեզ համար կարևորն այն է, որ հայ հումանիտար մասնագետները շարունակում են խաղաղության, հումանիտար գործընթացի առաքումն ամբողջ աշխարհում»,- նշեց նա:
