24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Պուտինից պահանջեցին ազատել ռուսաստանցի քաղբանտարկյալներին․ բողոքի ակցիա՝ Բաղրամյան 26-ում. ՏԵՍԱՆՅՈՒԹ
Հասարակություն
01.10.2019 | 14:04
Բաղրամյան 26-ում մեկնարկել է Եվրասիական բարձրագույն տնտեսական խորհրդի նիստը, որին մասնակցում է նաև Ռուսաստանի նախագահ Վլադիմիր Պուտինը։ Նրա ժամանումն ուղեկցվեց բողոքի ակցիայով։
Իրավապաշտպան Նինա Կարապետյանցն ու ևս մի խումբ անձինք Բաղրամյան 26-ի դիմաց պաստառներ էին պարզել՝ պահանջելով ազատ արձակել ռուսաստանցի քաղաքական բանտարկյալներին։ Ոստիկաններն ակցիայի մասնակիցներին հեռացրին Բաղրամյան 26-ի մայթից դեպի մետրոյի «Բաղրամյան» կայարան։
Հիշեցնենք, որ Մոսկվայի քաղաքային դումայի ընտրություններին նախորդած ակցիաներից հետո ՌԴ-ում կալանավորվել են հայտնի ընդդիմադիր գործիչներ։ Նրանք մեղադրվում են անկարգությունների կազմակերպման մեջ։ Միջազգային և տեղական իրավապաշտպան կազմակերպություններ ոչ համաչափ են գնահատում կիրառված պատժաչափերը, իսկ ռուսական ընդդիմադիր քաղաքական շրջանակները նրանց համարում են քաղբանտարկյալներ։
Մանրամասները՝ տեսանյութում:
Ռոբերտ Անանյան
