16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Պուտինը Երևանում կհանդիպի Նիկոլ Փաշինյանի և Հասան Ռոհանիի հետ
Քաղաքականություն
30.09.2019 | 16:49
ՌԴ նախագահ Վլադիմիր Պուտինը հոկտեմբերի 1-ին առանձին հանդիպումներ կանցկացնի ՀՀ վարչապետ Նիկոլ Փաշինյանի և Իրանի նախագահ Հասան Ռոհանիի հետ: Այս մասին գրում է News.ru-ն՝ վկայակոչելով Կրեմլի մամուլի ծառայությունը:
Նշվում է, որ բանակցությունները կանցկացվեն Երևանում կայանալիք Եվրասիական տնտեսական բարձրագույն խորհրդի գագաթնաժողովի շրջանակում:
«ԵՏՄ գագաթնաժողովի շրջանակում տեղի կունենան Պուտինի բանակցությունները Հայաստանի վարչապետ Փաշինյանի և Իրանի նախագահ Ռոհանիի հետ»,- ասված է հաղորդագրությունում:
Նշենք, որ ԵՏՄ գագաթնաժողովին մասնակցելու նպատակով Երևան են ժամանում միության անդամ պետությունների ղեկավարների գլխավորած պատվիրակությունները: Գագաթնաժողովին կմասնակցի նաև Երևանում գտնվող Սինգապուրի վարչապետը, այդ առիթով Հայաստան կայցելեն նաև Իրանի և Մոլդովայի նախագահները:
