14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Ոսկերչության ոլորտի հայկական առաջատարները մասնակցել են JUNWEX ոսկեգործության և ժամագործության միջազգային բրենդերի ցուցահանդեսին
Տնտեսություն
30.09.2019 | 16:38
ՀՀ էկոնոմիկայի նախարարությունից տեղեկացնում են, որ սեպտեմբերի 25-ից Ռուսաստանի մայրաքաղաք Մոսկվայում մեկնարկել է JUNWEX ոսկեգործության և ժամագործության միջազգային բրենդերի քառօրյա ցուցահանդեսը, որին մասնակցել է ոլորտի առաջատար հայկական 6 ընկերություն։
«Ցուցահանդեսը ոլորտի առանցքային միջոցառումներից է, որին մասնակցող ավելի քան 500 ընկերությունները ցուցադրում են իրենց նորագույն արտադրանքը և փոխգործակցության եզրեր որոնում սպառման շուկաների գործընկերների հետ։
Ցուցահանդեսին Հայաստանի պատվիրակության մասնակցությունը համակարգող «Մարքեթինգի հայկական ասոցիացիա» հասարակական կազմակերպության նախագահ Արամ Նավասարդյանը, ամփոփելով ցուցահանդեսի արդյունքները, նշել է. «Շատ ուրախ էինք տեսնել ոլորտի այս կարևորագույն միջոցառմանը հայկական պատվիրակության ներկայացուցիչներին, որոնք իրենց ինքնատիպ արտադրանքով զբաղեցնում են յուրահատուկ նշաձող այս տարածաշրջանային առանցքային շուկայում։ Մասնակից ընկերությունները ընդլայնեցին համագործակցությունը ավանդական գործընկերների հետ, ինչպես նաև ստեղծեցին նոր գործնական կապեր թիրախային շուկաների գործընկերների հետ»»,- ասված է հաղորդագրությունում:
