21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
«Հայաստանում վերջին 8 ամսում 40 անչափահաս սեռական բռնության է ենթարկվել»․ Զարուհի Հովհաննիսյան. ՏԵՍԱՆՅՈՒԹ
Հասարակություն
30.09.2019 | 13:29
2019 թվականի հունվարի 1-ից մինչև սեպտեմբերի 1-ն ընկած ժամանակահատվածում, ըստ ՀՀ ոստիկանության օպերատիվ ամփոփագրերի, գրանցվել է ընտանիքում բռնության 1270 ահազանգ, որից 570 դեպքով բռնություն գործադրած անձի նկատմամբ կայացվել է նախազգուշացում, իսկ 170 դեպքով՝ անհետաձգելի միջամտության որոշում։ Այս մասին այսօր «Գենդերային բռնության դեմ պայքարը Հայաստանում» թեմայով ասուլիսի ընթացքում նշեց իրավապաշտպան, «Ընդդեմ կանանց նկատմամբ բռնության» կոալիցիայի ծրագրերի համակարգող Զարուհի Հովհաննիսյանը։
«ՀՀ ոստիկանության տվյալներով՝ նույն ժամանակահատվածում 73 դեպքով իգական սեռի 74 ներկայացուցչի նկատմամբ կատարվել է սեռական ազատության և սեռական անձեռնամխելիության դեմ հանցագործություն: 39 դեպքով 40 անչափահասի նկատմամբ կատարվել է սեռական ազատության և անձեռնամխելիության դեմ ուղղված հանցագործություն, որոնցից 38 դեպքով՝ 39 անչափահաս աղջկա նկատմամբ»,- ասաց Զարուհի Հովհաննիսյանը։ Նրա խոսքով՝ թվերը խոսուն են և անհանգստացնող։ «Այս թվերը խոսում են նրա մասին, որ միգուցե բավարար ջանքեր չենք գործադրում, որպեսզի կանխարգելվի բռնությունը»,- ընդգծեց իրավապաշտպանը։
Մանրամասները՝ տեսանյութում։
Նելլի Մելքոնյան
