15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Ֆրանսիան հրաժեշտ է տալիս Ժակ Շիրակին. երկրում սգո օր է հայտարարվել
Քաղաքականություն
30.09.2019 | 12:17
Ֆրանսիան վերջին հրաժեշտն է տալիս նախկին նախագահ Ժակ Շիրակին: Երկուշաբթի երկրում ազգային սգո օր է հայտարարված՝ ի հիշատակ քաղաքական գործչի, գրում է ՏԱՍՍ-ը:
Ժակ Շիրակը, հիշեցնենք, կյանքից հեռացել է սեպտեմբերի 26-ին 87 տարեկանում:
Զինվորական պատիվներից հետո սգո թափորը կուղղվի Փարիզի հնագույն Սեն Սյուլպիս եկեղեցի, որը տեղակայված է Լյուքսեմբուրգյան այգու և Սեն Ժերմեն բուլվարի միջև: Այնտեղ Ժակ Շիրակի ընտանիքի անդամների, Ֆրանսիայի նախագահ Էմանուել Մակրոնի և օտարերկրյա առաջնորդների մասնակցությամբ տեղի կունենա հոգեհանգստի կարգ:
Նշենք, որ Ժակ Շիրակը Ֆրանսիան ղեկավարել է 12 տարի՝ 1995-2007 թվականներին: Ելիսեյան պալատը լքելուց հետո էլ, սակայն, նա շարունակել է մնալ երկրի՝ մեծ ժողովրդականություն վայելող քաղաքական գործիչներից մեկը: Ենթադրվում է, որ Ժակ Շիրակին հողին կհանձնեն Մոնպառնասի գերեզմանատանը:
