23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Վերաքննիչ դատարանը հեռացել է խորհրդակցական սենյակ՝ Գագիկ Խաչատրյանի կալանավորման որոշման դեմ բողոքի առնչությամբ որոշում կայացնելու
Հասարակություն
27.09.2019 | 19:49
Վերաքննիչ դատարանը հեռացել է խորհրդակցական սենյակ՝ ՀՀ ֆինանսների նախկին նախարար Գագիկ Խաչատրյանին կալանավորելու որոշման դեմ նրա պաշտպանների ներկայացրած բողոքի վերաբերյալ որոշում կայացնելու։
Պաշտպան Երեմ Սարգսյանի տեղեկացմամբ՝ Գագիկ Խաչատրյանը ներկա է եղել բողոքի քննությանը։ Փաստաբանը հույս ունի, որ դատարանն արդար որոշում կկայացնի:
Նա տեղեկացրեց նաև, որ ԱԱԾ քննչական դեպարտամենտի քննիչի որոշմամբ՝ կալանք է դրվել Խաչատրյանի գույքի վրա, և հավելեց, որ բողոքարկել է այս որոշումը։
Ազգային անվտանգության ծառայությունը, հիշեցնենք, ՊԵԿ նախկին նախագահ, ֆինանսների նախկին նախարար Գագիկ Խաչատրյանին և նրա եղբորորդուն՝ ՊԵԿ նախկին պաշտոնյա Կարեն Խաչատրյաններին ձերբակալել է օգոստոսի 27-ին, իսկ երեք օր անց նախկին պաշտոնյաները կալանավորվել են։
Խաչատրյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով և 179-րդ հոդվածի 3-րդ մասի 1-ին կետով նախատեսված հանցագործությունների կատարման՝ պաշտոնեական դիրքի չարաշահման և առանձնապես խոշոր չափերի վատնման համար։
