29.03.2026 | 18:19
ԹՐԻՓՓ-ի շուրջ քննարկումները չեն դանդաղել․ փաստաթղթերի համաձայնեցման փուլում ենք․ Միրզոյան
120 օր մեզ խաբել են. Կառավարությունում չեն ընդունել «Հյուսիս-հարավի» ենթակապալառուներին. ՏԵՍԱՆՅՈՒԹ
Հասարակություն
27.09.2019 | 15:20
«Հյուսիս-հարավ» ավտոճանապարհի ենթակապալառու ընկերությունների աշխատակիցներն այսօր հրավիրվել էին Կառավարություն՝ հանդիպման, սակայն հետո զանգահարել ու տեղեկացրել են, որ Տիգրան Ավինյանի գրասենյակի ղեկավար Վարագ Սիսեռյանի հետ նախապես ծրագրված հանդիպումը չի կայանալու:
«120 օր ականջներիցս լապշա կախեցին, 120 օր խաբեցին մեզ։ Ուզում ենք հասկանալ՝ ո՞րն է մեր մեղավորությունը, որ ընկել ենք այս իրավիճակի մեջ»,- ասաց ընկերություններից մեկի ներկայացուցիչը։
«Հյուսիս-հարավ»-ի գլխավոր կապալառուներից «Կորսան Կորվիամ» ընկերության ենթակայության՝ 2 տասնյակի հասնող ենթակապալառու ընկերություններն իրենց կատարած շինաշխատանքերի համար 2018 թվականի օգոստոսից գումար չեն ստացել: Թեև կառավարության հետ այս ընկերությունները պայմանագիր չունեն, այնուամենայնիվ, համարում են, որ Կառավարությունը պետք է օգնի իրենց գումարը ստանալու հարցում։ Հենց պայմանագրի բացակայությունն է պատճառը, որ չեն կարող դատի տալ Կառավարությանը։
Ենթակապալառու «Կորսան Կորվիամ» ընկերության հետ Կառավարությունը խզել է պայմանագիրը, սակայն աշխատակիցները պահանջում են, որպեսզի Կառավարությունն իսպանական կազմակերպությունից հետպահման և երաշխիքային գումարներից վճարի ենթակապալառու ընկերությունների գումարները։
Մանրամասները՝ տեսանյութում:
Ռոբերտ Անանյան
