23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Մարաշում գանձ որոնելու մոլուցքով հայկական առանձնատուն են քանդել
Քաղաքականություն
26.09.2019 | 20:58
Թուրքիայի արևելյան Քահրամանմարաշ Դուլքադիրօղլուի շրջանում թուրք հնագետը «օրինական ճանապարհով» գանձ է որոնում նախկինում հայերին պատկանող բնակելի տարածքում. գրում է ermenihaber-ը:
Հնագետ Հաթիջե Քըլըչասլանը նշել է, որ տարածքը պատկանել է հայերին և եղել է հրեական թաղամաս:
Նա հավատացած է, որ տարածքը փորելով ոսկի են գտնելու:
Աղբյուրի փոխանցմամբ` փորելու աշխատանքները կատարվել են անվտանգության ուժեղացված միջոցառումների ներքո:
Հնագետը հայտնել է, որ հայերին պատկանող բնակելի տարածքի քանդման աշխատանքները տևելու են 3 օր:
«Այստեղ նախկինում առանձնատուն է եղել: Մտածելով, որ առանձնատան բակում սենյակ է եղել և այդ սենյակի ներսում գանձ կա, սկսեցինք պեղումներ իրականացնել: Տարածքը փորելու համար ստացել ենք անհրաժեշտ թույլտվությունը»,-ասել է հնագետը:
