13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Նվազագույն ամսական աշխատավարձը բարձրացնելու նախագիծն ընդգրկվեց լիագումար նիստերի օրակարգ
Տնտեսություն
26.09.2019 | 18:31
Ազգային ժողովի առողջապահության, սոցիալական հարցերի մշտական հանձնաժողովն այսօր դրական եզրակացություն տվեց «Իմ քայլը» խմբակցության պատգամավորներ Բաբկեն Թունյանի և Վարազդատ Կարապետյանի հեղինակած «Նվազագույն ամսական աշխատավարձը» փոփոխելու մասին նախագծին:
Նախագծով առաջարկվում է նվազագույն ամսական աշխատավարձը 58 հազար դրամից դարձնել 63 հազար դրամ։ Նշենք, որ Կառավարությունն առաջարկում էր նվազագույն աշխատավարձը դարձնել 68 հազար դրամ:
Նախագծի հեղինակներից Բաբկեն Թունյանը նշեց, որ իրենք առաջարկում են 63 հազար դրամ, որովհետև 68 հազարի ժամանակ բազային աշխատավարձի խնդիր է առաջանում:
«Որքանո՞վ է 68 հազարն ընդունելի բիզնեսի համար, և պետբյուջեի լրացուցիչ ծախսն ինչքա՞ն է կազմելու», – ասաց Թունյանը:
Կառավարության ներկայացուցիչն էլ պնդեց, որ 68 հազար դրամի դեպքում պետբյուջեի վրա բեռը կկազմի շուրջ 9 մլրդ 734 մլն 400 հազար դրամ, իսկ 63-ի դեպում՝ 7 մլրդ 366 մլն 809 հազար դրամ՝ շեշտելով, որ նվազագույն աշխատավարձի բարձրացումը բերելու է միջին աշխատավարձի աճի:
Քվեարկությամբ ընդունվեց կառավարության առաջարկը, որն էլ ընդգրկվեց լիագումար նիստերի օրակարգ:
