15.12.2025 | 19:37
Միքայել արքեպիսկոպոսի գործով նիստը մեկնարկեց վերաքննիչում
Միջազգային կոնֆերանս՝ ՀՀ ՊՆ վարչական համալիրում. մասնակցել են ՆԱՏՕ-ի անդամ և գործընկեր 16 պետությունների ներկայացուցիչներ
Քաղաքականություն
25.09.2019 | 20:51
ՀՀ պաշտպանության նախարարությունից տեղեկացնում են, որ սեպտեմբերի 24-ից 25-ը ՀՀ ՊՆ վարչական համալիրում անցկացվել է Միացյալ Թագավորության պաշտպանության նախարարության, Գերմանական միջազգային համագործակցության ընկերության (GIZ) և Ներքին աուդիտորների ինստիտուտ-Հայաստանի (IIA Armenia) աջակցությամբ կազմակերպված Ներքին աուդիտի 3-րդ միջազգային կոնֆերանսը:
«Կոնֆերանսին մասնակցել են ՆԱՏՕ-ի անդամ և գործընկեր 16 պետությունների ներկայացուցիչներ, ՀՀ ԱԺ պատգամավորներ, միջազգային ճանաչում ունեցող փորձագետներ, ՀՀ-ում հավատարմագրված ռազմական կցորդներ:
Միջազգային կոնֆերանսի ընթացքում քննարկվել են կիբեռանվտանգությանն առնչվող խնդիրներ, պաշտպանական գերատեսչություններում պետական գնումների հետ կապված ռիսկերն ու արդյունքի գնահատման չափորոշիչները (KPI):
Նմանատիպ քննարկումները և ոլորտում կուտակած փորձի փոխանակումը նպաստում է ներքին աուդիտի աշխատանքների բարելավմանը և պաշտպանական համակարգում հավելյալ արժեքների ստեղծմանը»,- ասված է հաղորդագրությունում:
