30.04.2026 | 16:58
Մերաբ Դվալիշվիլին հայտնել է՝ թե ինչու է հրաժարվել RAF-ում մենամարտել Արման Ծառուկյանի հետ
ԱՄՆ-ում նախագահ Թրամփի դեմ իմպիչմենթի գործընթաց են սկսել
Քաղաքականություն
25.09.2019 | 17:03
ԱՄՆ Ներկայացուցիչների պալատի խոսնակ Նենսի Փելոսին հայտարարել է ԱՄՆ Կոնգրեսում նախագահ Դոնալդ Թրամփի դեմ պաշտոնական հետաքննության մեկնարկը, որի հետևանքով նախագահի իմպիչմենթի գործընթաց կարող է նախաձեռնվել: Այս մասին հայտնում է CNN-ը։
Թրամփի գործողությունները Կոնգրեսի միանգամից վեց հանձնաժողով է հետաքննելու:
Փելոսիի խոսքով՝ հետաքննությունն առնչվում է հուլիսին նախագահ Թրամփի և Ուկրաինայի նախագահ Վլադիմիր Զելենսկու միջև կայացած հեռախոսազրույցի հետ: Ամերիկյան հատուկ ծառայությունների անանուն աղբյուրը տեղեկացրել է, որ Թրամփը հեռախոսազրույցի ընթացքում ճնշել է Զելենսկուն՝ հորդորելով հետաքննություն սկսել ԱՄՆ նախկին փոխնախագահ Ջոզեֆ Բայդենի և նրա որդու դեմ՝ Ուկրաինայի տարածքում ծավալած բիզնես գործունեության համար:
Իմփիչմենթը «պետական դավաճանության, կաշառակերության կամ այլ ծանր հանցագործությունների ու իրավախախտումների» վերաբերյալ մեղադրանքների առաջադրումն է, որից հետո պաշտոնանկությունը՝ դաշնային ծառայողների, այդ թվում՝ ԱՄՆ նախագահի դեպքում:
ԱՄՆ Ներկայացուցիչների պալատի խոսնակն ընդգծել է, որ ոչ ոք իրեն օրենքից վեր չի կարող դասել, այդ թվում՝ ԱՄՆ նախագահը։
Նշենք, որ Միացյալ Նահանգների պատմության ընթացքում իմփիչմենթ իրականացվել է երեք անգամ՝ ԱՄՆ նախկին նախագահներ Էնդրյու Ջոնսոնի, Ռիչարդ Նիքսոնի և Բիլ Քլինթոնի նկատմամբ:
Նելլի Մելքոնյան
