07.04.2026 | 19:46
Էրդողանը դատապարտել է Իսրայելի հյուպատոսության վրա հարձակումը՝ այն անվանելով «ծրագրված սադրանք»
«Սպասում եք՝ մեկ-երկու հոգու գլուխ ջարդվի, նոր ատելության խոսքը քրեականացնե՞ք». Արթուր Սաքունց. ՏԵՍԱՆՅՈՒԹ
Հասարակություն
25.09.2019 | 15:15
Ատելության խոսքի՝ ամբողջ աշխարհում տարածվելու մտավախությունն այն է, որ պետությունները դրա դեմ պայքարում պատշաճ ջանքեր չեն գործադրում, ինչը մտահոգիչ է։ Այս մասին այսօր «Ատելության խոսք. բավարա՞ր են ՔՕ մեխանիզմները» թեմայով քննարկման ընթացքում նշեց ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը։
«ԵԱՀԿ-ի, Եվրոպայի խորհրդի, ՄԱԿ-ի կողմից հստակ տրված են ատելության խոսքի չափորոշիչները։ Մնում է ընդամենը հետևողական լինել այդ մոտեցումների իրագործման և դրանց հիման վրա մեր կարողությունների զարգացման հարցում»,- նշեց Սաքունցը։
Իրավապաշտպանն ատելության խոսքը սեփական փորձով ներկայացրեց. «Ես ատելության խոսքի զոհերից մեկն եմ, երբ Ազգայի ժողովի մակարդակով պատգամավորը կարող է հրապարակավ ասել՝ «Պետք է Սաքունցին փաթաթել և հանձնել Թուրքիային»»։
Նրա կարծիքով՝ Հայաստանում պատշաճ ջանքեր չեն գործադրվում ատելության խոսքի կանխման ուղղությամբ։ «Ատելության հիմքում ընկած է նախապաշարմունքը, հիմնականում որոշակի խմբերի, մասնավորապես՝ փոքրամասնությունների նկատմամբ։ Իսկ նրանց շահերը պետք է պետության կողմից պաշտպանված լինեն։ Ինչ է, սպասում են մինչև օրենքի ընդունումը, ատելության խոսքի քրեականացումը մի քանի հոգու գլուխ ջարդվի՞»,- ասաց իրավապաշտպանը։
Մանրամասները՝ տեսանյութում։
Նելլի Մելքոնյան
