10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Չէի գերագնահատի այն վտանգները, որոնք գալիս են ռուսաց լեզվի հայեցակարգից․ Տիգրան Հակոբյան
Հասարակություն
28.09.2017 | 15:43
Ռուսաց լեզվի հայեցակարգի մշակումը Ռուսաստանի կողմից «փափուկ ուժի դրսևորումներից է», որը որպես գերտերություն խնդիր ունի, սակայն պետք է գերագնահատել այն վտանգները, որոնք գալիս են այդ հայեցակարգից։ Այս մասին «Հոդված-3» ակումբում հրավիրված քննարկմանն ասաց ՀՌԱՀ անդամ Տիգրան Հակոբյանը։
«Հայաստանն իր բազմադարյա պատմության մեջ վերապրել է և՛ Եղեռն, և՛ երկրաշարժ, և՛ օտար լուծ, տեսել է սովետական օկուպացիայի տարիները, բայց ամրապնդվել ենք որպես անկախ պետություն, այժմ մտածել, որ մի հայեցակարգ կարող է կործանել Հայաստանը․․․ Մեր երկիրը ռուսախոս դարձնել չի ստացվի»,- ասաց նա։
Հակոբյանի խոսքով՝ այս հայեցակարգի մշակումը հարմար առիթ է լեզվի կարևորության ու կրթության խնդիրների մասին խոսելու համար։ «Ինձ դուր չի գալիս այն, որ ռուսաց լեզուն կապում են ոչ թե լեզվի իմացության, այլ՝ կայսերական ազդեցությունների հետ, եթե վաղը մոնղոլական լեզուն գերակշիռ լինի տարածաշրջանում, ապա պետք է նստենք մոնղոլերեն սովորենք։ Ես այստեղ քաղաքական բաղադրիչ չեմ ուզում տեսնել, ինձ պարզապես մեր պետության մոտեցումն է զարմացնում․ եթե 2 միլիարդ մարդ աշխատանքային լեզուն համարում են անգլերենը, ապա պիտի անգլերեն հայեցակարգ մշակենք, այլ ոչ թե ռուսերենը»։
Առավել մանրամասն՝ տեսանյութում:
