03.02.2026 | 20:43
Լեհաստանի ՊՆ աշխատակից է ձերբակալվել ՌԴ-ի և Բելառուսի հետախուզության համար աշխատելու կասկածանքով
Մանվել Գրիգորյանի պաշտպանները միջնորդեցին յոթ անուն անշարժ գույք ազատել կալանքից
Հասարակություն
24.09.2019 | 12:26
Մանվել Գրիգորյանի գործով դատական նիստին ԱԺ նախկին պատգամավորը կրկին ներկա չէր: Դատավոր Մնացական Մարտիրոսյանն ասաց` ստացել է համապատասխան գրություն Գրիգորյանի առողջական վիճակի վերաբերյալ:
Մանվել Գրիգորյանի պաշտպան Լևոն Բաղդասարյանը դատարանում յոթ անուն անշարժ գույք ներկայացրեց, որոնք խնդրեց ազատել կալանքից: Դատավորն ասաց`ներկայացված յոթ գույքից հինգը Մանվել Գրիգորյանի անունով է, երկուսը կազմակերպության:
Դատավորը նշեց, որ պետք է ներկայացնել նաև վարձակալության պայմանագրերը, որպեսզի ինքը կարողանա թույլատրել գույքն օգտագործել, ապա հավելեց, որ վարձակալության համար վճարվող գումարները պետք է ուղղվեն դատարանի հաշվին, որով հետագայում կամ կվճարվի պետությանը ենթադրաբար պատճառված վնասը, կամ կվերադարձվի սեփականատիրոջը:
Մանվել Գրիգորյանի պաշտպանն առարկեց` ասաց նախ պետք է գույքը կալանքից ազատեն, որպեսզի հետո իրենք կարողանան գտնել վարձակալի: Դատարանը դեռ այս հարցի շուրջ վերջնական որոշում չունի:
Լիլիթ Շաբոյան
