Արման Բաբաջանյանը համարձակության պակաս է տեսնում, «Իմ քայլի» պատգամավորը հակադարձում է՝ նպատակահարմար չեն գտել․ ՏԵՍԱՆՅՈՒԹ

Ազգային ժողովն արդյոք ունի՞ Սահմանադրական դատարանի դատավոր Վահե Գրիգորյանի՝ ԱԺ նախագահին ուղղված նամակի վերաբերյալ վերջնական ձևավորված դիրքորոշում։

«Դուք այստեղ խուսափում եք ՍԴ անդամ և դատավոր եզրույթների վերաբերյալ դիրքորոշում հայտնել, բայց Վահե Գրիգորյանի նամակի բովանդակությունը հենց դրա շուրջ էր կառուցված»,- այսօր ԱԺ պետա-իրավական հարցերի մշտական հանձնաժողովում Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագծի զեկուցող ԱԺ «Իմ քայլը» խմբակցության պատգամավոր Սուրեն Գրիգորյանից հետաքրքրվեց ԱԺ պատգամավոր Արման Բաբաջանյանը՝ նշելով, որ այս հարցում տեսնում է կրավորականություն և համարձակության պակաս։

Ի պատասխան Գրիգորյանը նշեց, որ այս պահին, իրենց խմբակցության անունից չի կարող դիրքորոշում հայտնել հարցի վերաբերյալ։ «Նման որոշում չկա»,- ասաց  Սուրեն Գրիգորյանը։

Անդրադառնալով ՍԴ դատավոր և անդամ եզրույթներին՝ Գրիգորյանը նշեց, որ խնդիրը ոչ թե այն է, որ ԱԺ-ն խուսափում է դիրքորոշում հայտնելու, այլ այն, որ քննարկվող նախագիծը այլ գործի մասին  է, ուստի Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագծում չկա անդրադարձ ՍԴ դատավոր և անդամ եզրույթների հստակեցմանը։

«Կարծում եմ՝ Վահե Գրիգորյանին պատասխանելն այս նախագծի շրջանակում նպատակահարմար չէր լինի»,- հավելեց Սուրեն Գրիգորյանը։

Մանրամասները՝ տեսանյութում։