20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ի՞նչ հիմքեր են դրվել Հրայր Թովմասյանի լիազորությունները դադարեցնելու նախագծի հիմքում․քննարկում ԱԺ-ում. ՏԵՍԱՆՅՈՒԹ
Քաղաքականություն
24.09.2019 | 11:28
Ազգային ժողովի պետա-իրավական հարցերի մշտական հանձնաժողովում քննարկվում է ԱԺ «Իմ քայլը» խմբակցության հեղինակած Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին որոշման նախագիծը։
Նախագծի հիմնական զեկուցող Սուրեն Գրիգորյանը ներկայացրեց այն փաստերը, որոնք հիմք են հանդիսացել վերոնշյալ որոշման նախագիծը կյանքի կոչելու համար։
«Առաջին հիմքը պարոն Սերժ Սարգսյանի շնորհավորական ուղերձն է Ռոբերտ Քորչարյանին՝ օգոստոսի 31-ին՝ ՍԴ-ի կայացրած որոշումից ընդամենը 4 օր առաջ։ Այդ շնորհավորանքի տեքստը երկիմաստ է և բովանդակությունը շատ հստակ ցույց է տալիս, որ ՀՀԿ-ն շարունակում է սատարել Ռոբերտ Քոչարյանին։ Երկրորդ հիմքը՝ Ռ․ Քոչարյանի պաշտպաններից մեկի և ՍԴ նախագահի միջև առկա քավոր-սանիկական հարաբերություններն են։ Այստեղ խոսքը նրա մասին է, որ Թովմասյանը դրա մասին չի բարձրաձայնել։ Այդ հարազատական հարաբերությունները կողմնակի դիտորդի մոտ կարող են կասկած առաջացնել։ Երրորդ հիմքը՝ պարոն Թովմասյանի կողմից նախկինում Մարտի 1-ի վերաբերյալ տարբեր կարծիքներ նշելն է։ Արտացոլված են նրա կարծիքները Մարտի 1-ի մասին, որոնցում նա մինչև ՀՀԿ անդամ դառնալն ասել է, որ Մարտի 1-ի իրադարձությունները ամոթալի են մեզ համար և դատավարությունները պետք է կարճվեն, իսկ, լինելով Կառաավարության անդամ, այլ կարծիքներ են հնչել նրա կողմից, ըստ որի, Մարտի 1-ի ժամանակ եղել են զանգվածային անկարգություններ և արտակարգ իրավիճակի սահմանումը համապատասխանել է օրենքի պահանջներին։ Չորրորդ հիմքը՝ Սահմանադրական դատարանի մասին օրենքի կետն է, ըստ որի, դատավորի՝ վարույթին մասնակցելու հարցը որոշվում է գործը քննության ընդունելու ժամանակ: Այս ամենի մասին տեղյակ լինելով հանձերձ, Հրայր Թովմասյանը չի բարձրաձայնել։ Եթե անգամ անձը գտնում է, որ ինքը կաշկանդված չէ, ինքը գոնե դրա մասին պետք է բարձրաձայներ»,- ասաց Գրիգորյանը։
Մանրամասները՝ տեսանյութում։
